Amal nu ngocor terus

Anu ngocor ka alam kubur

Tilu dina hadits rosul

Hiji sodakoh zariah

Nyaeta wakaf nu ikhlas

Dua gaduh ilmu manfaat

Di dunia sareng di akherat

Tilu gaduh putra soleh

Ngadu'a keun teu weleh-weleh

Dosa abdi lamun di timbang

Ibarat budah lautan

Lir ibarat gunung uhud

Meuni langkung ageung pisan

Cindung lain ciri santri

Lain ciri bisa ngaji

Tapi cindung ciri istri

Nu ngabakti kayan widi

Saenyana malaikat

Meberkeun dua jangjang na

Pikeun jalmi anu angkat ngaos

Bari sae pamaksadanna

Jalmi anu angkat ngaos

Pibeukeuleun keur jumeneng

Maka eta di gampilkeun

Ka surgana anu langgeung

                                                                                           Karya: Badru saleh

Eling eling umat

بِسْمِ اللهِ الرَّحْمنِ الرَّحِيمِ

Eling-eling umat,

Muslim ka muslimat,

Hayu urang solat berjamaah maghrib,

Estu kawajiban urang keur di dunia,

Pibeukeuleun jaga urang di akherat.

Eling-eling umat,

Muslim ka muslimat,

Hayu urang solat berjamaah maghrib,

Estu kawajiban urang keur di dunia,

Pibeukeuleun jaga urang di akherat.

                                                                                                    Karya: Badru saleh

Pepeling maot

بِسْمِ اللهِ الرَّحْمنِ الرَّحِيمِ

Mun di lenyepan di jero ati,

Sieun kacida ngalaman mati,

Urang teh pasti bakal ngarasa,

Awak di bungkus ku lawon bodas.

Mayit di tenden di pamandian,

Jasad ngajolor Tanpa angoan,

Tatangga datang jeung kaluarga,

Kapas jeung boweh nutupan muka.

Bareto mah mandi sorangan,

Sampo jeung sabun mersihan badan,

Ayeuna mah di mandian ku batur,

Nu jadi tilam ngan gebog cau.

Bareto mah tumpak mobil kareta,

Indit-inditan kaluar kota,

Saruka bungah jeung babaturan,

Jadi pangganti ukur pasaran.

Lamun geus kitu pasti hanjelu,

Mun mayit enggeus kaluar pintu,

Anu di jugjug pasti kuburan,

Anu pangungtung jadi tujuan.

Teu bisa caang poek na kubur,

Maca al-qur'an nu jadi batur,

Padoman hirup agama islam,

Mun balik meunang ridho pangeran.

Malaikat nya saha pengeran,

Sarta di tanya naon agama,

Nabi muhammad ibnu abdilah,

Rosul termulya di kota mekkah.

Nepika mana ngapalkeun qur'an,

Lain ngan ukur kadar bacaan,

Papagon hirup anu sampurna,

Bagja di dunia ni'mat di surga.

Oge di tanya masalah kiblat,

Ka baetulloh nyanghareup solat,

Umat muslimin kabeh baraya,

Sabab asal na adam jeung hawa.

Mun teu ngajawab teu pararuguh,

Meunang panyiksa kacida ripuh,

Di gencet bumi awak sangsara,

Meunang pakewuh tempat naraka.

Hey dulur-dulur sing sadar diri,

Ibadah ulah ka lali-lali,

Sing arar ati ka pangbalikan,

Nu jadi ngan ukur taqwa.

                                                                                       Karya: Badru saleh